جىر-تار ماعىنادا - قازاق حالىق پوەزياسىنداعى 7 - 8 بۋىندى ولەڭ ولشەمى، پوەزيالىق شىعارما جانرى.
تولعاۋ - قازاق، قاراقالپاق، نوعاي حالىقتارىنىڭ اۋىزشا پوەزياسىندا كەڭ تاراعان جانر. تولعاۋ تەكتەس ءسوز ۇلگىلەرىن قىرعىزدار "ساناتنا-سىياتىرلار"، قۇمىقتار "ويلۋ يىرلار"، باشقۇرتتار "قوبايىر" دەپ اتايدى.
تەرمە-قازاق حالىق پوەزياسىندا قالىپتاسقان ليريكالىق ولەڭ ءتۇرى. عيبراتتىلىق ءمانى بار مورالدىق يدەيالار تۇرعىسىنان ءار نارسەنى تەرىپ ايتىپ، ءبىر نارسەدەن ەكىنشى نارسەگە ەركىن اۋىسىپ وتىرۋ تەرمەگە ءتان قاسيەت. ول ناقىل ءسوز ۇلگىسىندە قۇرىلىپ، ادەتتە ونەگەلى. نۇسقالى سوزدەردىڭ تىزبەگىندەي بولىپ كەلەدى. ىرعاقتىق قۇرىلىسى جاعىنان جەتى-سەگىز بۋىندى جىر ۇلگىسىندە ايتىلادى.
