تاڭجارىق جولدى ۇلى (15.3. 1903. قحر، ىلە ايماعى، كۇنەس اۋد. - 6.8.1947، سوندا) - اقىن. كەيىن جۇڭگو مەكتەبىندە (1917)، قازاقستاندا كەگەن، نارىنقول اۋداندارىندا جەتى جىلدىق مەكتەپتە (1922 - 25) وقىعان. قازاق جازۋشىلارىنىڭ ەڭبەكتەرىمەن كەڭىنەن تانىس بولعان. ءوزى دە ولەڭ جازىپ، ايتىسقا قاتىسقان. ت. شىڭجاڭدا ءمۇعالىم، "ىلە" گازەتىندە رەداكتور (1936) بولىپ قىزمەت ىستەگەن. تاڭجارىق 1940 - 46 ج. قىتايداعى سولاقاي ساياساتتىڭ كەسىرىنەن تۇتقىندالىپ، تۇرمەگە جابىلعان. ونىڭ "جاستارىما"، "وسى تاڭ كىمنىڭ تاڭى؟"، "وقىپ كور گازەتىمدى"، "كوڭىلىم قالدى، تورىقتى"، "اباقتىدا كىم جاتىر؟"، "اقىن سىرى"، "ەلىمە" ولەڭدەرى وسى كەزدە جازىلعان. "وتكەن كۇندەرىم" (1942)، "قوشتاسۋ" (1941 - 42)، "قاسقىر مەن ءبورىباسار" (1934 - 43)، ت.ب. تولعاۋ جىرلارى مەن "نازيگۇل" (1943) داستانىنىڭ اۆتورى. "العاشكى جيناق" (قۇلجا، 1948)، "ارمانتاۋ" (ا، 1974) جيناقتارى جارىق كورگەن.