ايتىس — اۋىز ادەبيەتىندە ەجەلدەن قالىپتاسقان پوەزيالىق جانر، توپ الدىندا قولما-قول سۋىرىپ سالىپ ايتىلاتىن ءسوز سايىسى، جىر جارىسى.ايتىس — سينكرەتتىك جانر، ول تۇرمىس-سالت جىرلارىنان باستاۋ الىپ، كەلە-كەلە اقىندار ايتىسىنا ۇلاسقان. ايتىستا وسىعان وراي ليريكالىق، ەپيكالىق، درامالىق سيپاتتار مول ۇشىراسادى. سول ارقىلى بۇل جانر اۋىز ادەبيەتىنىڭ وزگە تۇرلەرىمەن قاناتتاسا دامىپ، بىر-بىرىنە ەلەۋلى اسەر-ىقپال جاساپ وتىرعان. باتىر جانە ليرو-ەپوس جىرلارىنا دا اسەرىن تيگىزىپ، ءوزى دە ارناسى كەڭ مول سالاعا اينالعان.
