حاميت ىسقاق ۇلى – قىتايدىڭ شينجياىنداعى قازاقتار اراسىنان شىققان تەنور داۋىستى ايگىلى ءانشى. جۇرت ونى شىنايى كوڭىلدەرىمەن القاپ «قازاقتىڭ ءان پاتشاسى» دەسەدى. حاميتتىڭ تىنىسى كەڭ، داۋىسى زور، ءۇنى جاعىمدى، ءسوزى ۇعىمدى، ورىنداۋى قىزىقتى دا جالىندى، ساحنا تارتىمدىلىعى وتە كۇشتى. ول ىلگەرىندى-كەيىندى فرانسيا، جاپونيا، شۆەيساريا، پاكيستان، ارگەنتينا، ۆەتنام، قازاقستان قاتارلى ەلدەرگە ساپارلاي بارىپ، ءان ايتىپ، اسقاقتاتا شىرقالعان اۋەنىمەن شەتەلدىك تىڭدارمانداردى وزىنە باۋراپ قايتتى. تۇركيادا وتكىزىلگەن حالىقارالىق ءان بايقاۋىندا ءبىرىنشى دارەجەلى جۇلدەنى جەڭىل عانا جەڭىپ الدى.
