گاۋحار قاسپاقوۆا (3.5.1978 جىلى تۋعان، مەركى اۋدانى) – ءانشى.

ورتا مەكتەپتەن كەيىن تاراز قالاسىنداعى مادەنيەت جانە ونەر كوللەدجىن، الماتىداعى ت.جۇرگەنوۆ اتىنداعى تەاتر جانە كينو ينستيتۋتىن بىتىرگەن. قاسپاقوۆانىڭ انشىلىك جولى 1996 جىلى باستالدى. ش.قالداياقوۆ اتىنداعى حالىقارارالىق «مەنىڭ قازاقستانىم» ءان بايقاۋىندا وزىپ شىعىپ، «التىن قانات» اتالاتىن ءبىرىنشى جۇلدەنى جەڭىپ الدى. 1998 جىلى ازيا قۇرلىعىنىڭ مۋزىكا ونەرىندەگى تانىمال اندەر مەن تالانتتى ورىنداۋشىلاردىڭ حالىقارالىق بايقاۋى – «ازيا داۋىسىنىڭ» ديپلومانتى بولدى. كەلەسى جىلى وتكەن «ىستىقكول» حالىقارارالىق ءان بايقاۋىندا 1-ورىن الدى. 2000 جىلى جاستار وداعى سىيلىعىنىڭ ەڭ جاس لاۋرەاتى اتاندى.

قاسپاقوۆانىڭ رەپەرتۋارىندا قازاقتىڭ حالىق اندەرىمەن قاتار ورىس، تۇرىك، جۇڭگو، قىرعىز تىلىندەگى اندەر بار. ول، اسىرەسە، «العاشقى كوكتەم»، «قۇس جولى»، اسەتتىڭ «حيسمەت»، قىرعىز حالقىنىڭ «جامعىر»، سونداي-اق «مەن سەنى ويلايتىنمىن»، «سۇيەدى ەكەنمىن» اندەرىن شەبەر ورىندايدى.