كىشكەنبايەۆ الماس (1.7. 1985 جىلى تۋعان، قىزىلوردا قالاسى) – ءانشى. رەسپۋبليكادا العاش وتكەن «Super Star KZ» بايقاۋىنىڭ جەڭىمپازى (2004). قازانعاپ اتىنداعى قىزىلوردا مۋزىكالىق كوللەدجىن بىتىرگەن (2004). ءقازىر الماتىداعى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ەسترادالىق بولىمىندە وقيدى. 5 – 6 جاسىندا وبلىستىق «ءانشى بالاپان» بايقاۋىندا جەڭىپ شىعىپ، ق.اقداۋلەتوۆانىڭ كلاسىنا وقۋعا الىندى. 1995 جىلى فرانسيانىڭ پاريج، مەتە قالالارىندا نۇرتۋعان جىراۋدىڭ «كانەكەي ءتىلىم سويلەشى» تەرمەسىن ورىنداعان. سول جىلى پاۆلودار قالاسىندا وتكەن «اينالايىن» فەستيۆالىنە قاتىسىپ، اشىلۋ سالتاناتىندا ارناۋ ءان ورىندادى.