اعاجاي التاي (كەيدە اعاجاي-التاي دەپ جازىلادى)— قازاق حالىق ءانى. «اعاجاي التاي» قازاقتىڭ تۇرمىس–تىرشىلىگىن، سالت–ساناسىن جىرلايتىن بايىرعى ءان. بۇل ءاننىڭ تاريحىنا كەلەر بولساق، ءحىح عاسىردىڭ سوڭىندا حح عاسىردىڭ باسىندا شىققان دەگەن مالىمەتتەر بار. ءاننىڭ شىعۋ تاريحى وتە ارىدا بولۋى كەرەك، ويتكەنى «اقتابان شۇبىرىندى، القاكول سۇلاما» تاريحي وقيعاسى كەزىندەگى قازاقتىڭ باسىنا تونگەن قاتەردى جىرلايدى. بۇل – كوپ بۇرمالاۋعا ۇشىراعان ءان، ءسوزى بىرنەشە رەت وزگەرگەن. سوڭعى كەزدەرى بۇل ءاننىڭ ءماتىنى ەڭ العاشقى نۇسقاسىمەن ايتىلىپ ءجۇر. ءاننىڭ نەگىزگى نۇسقاسى ءور التايدا تۋعان.
