Hamıt Ysqaquly – Qytaıdyń Shınjáyndaǵy qazaqtar arasynan shyqqan tenor daýysty áıgili ánshi. Jurt ony shynaıy kóńilderimen alqap «Qazaqtyń án patshasy» desedi. Hamıttyń tynysy keń, daýysy zor, úni jaǵymdy, sózi uǵymdy, oryndaýy qyzyqty da jalyndy, sahna tartymdylyǵy óte kúshti. Ol ilgerindi-keıindi Fransıa, Japonıa, Shveısarıa, Pakıstan, Argentına, Vetnam, Qazaqstan qatarly elderge saparlaı baryp, án aıtyp, asqaqtata shyrqalǵan áýenimen sheteldik tyńdarmandardy ózine baýrap qaıtty. Túrkıada ótkizilgen halyqaralyq án baıqaýynda birinshi dárejeli júldeni jeńil ǵana jeńip aldy.