TileýlesQurmanǵalıev - qazaq án ónerin damytýǵa atsalysyp júrgen belgili dástúrli ánshi.
Kezinde «Serper» tobynda án aıtyp, keıinnen jeke shyǵarmashylyǵyna den qoıǵan Tileýles Qurmanǵalıev búginde el arasynda umyt bola bastaǵan birqatar halyq ánderimen talaı halyq kompozıtorynyń ánderin jaryqqa shyǵaryp júr. Buǵan qosa ol ulttyq mýzykalyq muramyzdy ǵylymı turǵyda taldap-zertteý isinde de óz qoltańbasyn aıqyndap, konservatorıa qabyrǵasynda shákirt tárbıelep keledi. Jetisý ánshilik mektebiniń sazdy áýenimen kóne maqamdaryn jadyna sińirip, kókeıine toqyp ósken talantty ánshi. Dástúrli án ónerindegi Arqa mektebiniń ókili, Qaırat Baıbosynov jáne Erjan Qosbarmaqov syndy án dúldúlderiniń shákirti.