Kámshat Joldybaeva - Qazaqstan ánshisi, aktrısa. Mańǵystaý óńiriniń Fort Shevchenko qalasynda dúnıege kelgen. 9-synypty bitirgen soń aǵylshyn tili mamandyǵy boıynsha kolejde bilim alǵan. Keıin óner jolyn qýmaq nıetpen Almaty qalasyna kelip, Qyzdar pedagogıkalyq ýnıversıtetinde «Uıymdastyrýshy» mamandyǵyn ıelengen. 3-kýrsta oqyp júrgende «KeshYou» tobynyń quramyna qabyldanǵan. Keıin T.Júrgenov atyndaǵy Óner akademıasynyń "Estrada" fakúltetine aýyady. 2015 jylǵa deıin "KeshYou" tobynyń quramynda óner kórsetti. Qazir jeke ánshi retinde belgili.