1916 jyly maýsymnyń 25-inde Reseı patshasy İİ Nıkolaıdyń «Rekvızısıalaý týraly» jarlyǵy shyǵyp, Qazaqstan, Orta Azıa men Sibirdegi «buratana halyqtardan» 19 ben 43 jas aralyǵyndaǵy 400 myń adamdy maıdannyń tyl jumystaryna alý kózdeldi. Onyń 240 myńyn qazaqtan alynatyn boldy. Osy jarlyqqa ile-shala qazaq dalasy men Orta Azıada jıyrmasynshy ǵasyrdaǵy eń aıtýly, jappaı kóterilisterdiń biri bastaldy.Arqaǵa tirelgen qara myltyqtyń kúshimen jat el, bógde jurtqa eriksiz ketip bara jatqan qazaq jigitiniń osy bir áni artta qalǵan ata jurtqa duǵaı sálem bolyp jetti. Áýeletip bastalatyn osynaý ashshy áýen – qaıda, nege jáne ne úshin bara jatqanyn túsine almaǵan qazaq jigitiniń keýdesin jaryp shyqqan, óz tarıhyn ózi baıandaıtyn keń qulashty derekti án.